Author: gohareganyan

Կարդալ առակը, դուրս գրել և բացատրել անծանոթ բառերը:

Արամ քեռիս շատ էր սիրում պատմել թագավորի և երիտասարդի պատմությունը: Թագավորը հակված էր անհեթեթ ու ծիծաղալի մտքերի, իսկ նրա երիտասարդ խորհրդականն ավելի ողջամիտ ու խելացի էր, քան թագավորն ու նրա բոլոր նախնիները միասին վերցրած:

Մի երեկո թագավորն ասում է.

– Մինչև լուսանալը ինձ պետք է զեկուցես, թե քաղաքում քանի կույր կա:

– Լսում եմ, – պատասխանում է երիտասարդը, – ամեն բան հասկանալի է:

Եվ հեռանում է, որպեսզի պատասխան գտնի այդ անհեթեթ խնդրին:

Անմիջապես կանչում է մի փորձառու հաշվապահի, նստեցնում է ախոռի ամենագեղեցիկ ձիու վրա, գրիչն ու տետրը ձեռքն է տալիս և կարգադրում քաղաքով մեկ շրջել իր ետևից և հաշվառել հանդիպած բոլոր կույրերին: Ապա հաստ պարանով եղրևանու մի մեծ ճյուղ է կապում ձիու թամբին և ճյուղը ետևից քարշ տալով, սկսում է շրջել քաղաով:

Որոշ ժամանակ անց հանդիպում է մի ծերունու, ով նրան տեսնելով, բացականչում է.

– Ա’յ որդի, ի՞նչ ես անում:

Երիտասարդ հաշվապահի կողմն է շրջվում և ասում.

– Այս մարդը կույր է, սկսի’ր հաշվել:

Հաջորդ փողոցում մի կին գլուխը դուրս է հանում շքեղ տան պատուհանից և ձայնում.

– Այդ ի՞նչ եք անում, երիտասարդ:

Եվ երիտասարդը հաշվապահին կարգադրում է շարունակել հաշվառումը:

Մինչև առավոտ կույրերի թիվը ներառում է քաղաքի բոլոր բնակիչներին, և խորհրդատուն ու հաշվապահը ձիերի գլուխները դեպի արքայական պարտեզն են շրջում: Նրանք դեռ շարունակում էին իրենց ետևից քարշ տալ եղրևանու ճյուղը:

Ինչի՞ մասին է առակը: Մի քանի նախադասությամբ պատմի՛ր:

Առակը մի թագավորության մասին է, որի թագավորը շատ ծիծաղելի հրամաններ էր տալիս: Նա ուներ մի երիտասարդ խորհրդական որը շատ խելացի և ողջամիտ էր: Այդ խորհրդականը ամեն կերպ փորձում էր ժողովրդի մոտ այնպես անել, որ թագավորի խեղկատակ ու ծիծաղելի լինելը չերևար:

Եվրասիա մայրցամաքն իր մեջ է ներառում երկու աշխարհամաս.Եվրոպա և Ասիա: Այս միակ մայրցամաքն է, որը ողողվում է չորս օվկիանոսներով. հարավում`  Հնդկական օվկիանոսով, հյուսիսում՝ Հյուսիսային Սառուցյալ, արևմուտքում`   Ատլանտյան և արևելքում՝ Խաղաղ: Եվրասիան ձգվում է արևմուտքից արևելք 16 հազ. կմ, հյուսիսից հարավ `   8 հազ. կմ, մակերեսն է՝ 53.4 մլն. կմ: Դա մոլորակի ամբողջ ցամաքի 1/3 մասից ավելին է կազմում: Եվրասիայի կղզիների մակերեսը մոտ 2.75 մլն. կմ է: Եվրասիայում է գտնվում՝Երկրագնդի ամենաբարձր լեռը`   Էվերեստ 8848մ, ամենախոշոր լիճը`  Կասպից լիճը և ամենախորը`   Բայկալ լիճը:

Ողջու~յն, ես Գոհար Եգանյանն եմ: Ես ապրում եմ Հայաստանի Հանրապետությունում՝ մայրաքաղաք Երևանում: Ես շատ եմ սիրում իմ երկիրը և քաղաքը: Երևանը շատ գեղեցիկ է:

Հյուսիսից մենք սահմանակից ենք Վրաստանին, որի մայրաքաղաքը Թբիլիսին է: Այն նույպես շատ գեղեցիկ քաղաք է:

Հարավից մենք սահմանակից ենք Իրանի Իսլամական Հանրապետության հետ, որի մայրաքաղաքը Թեհրանն է: Իրանի ժողովուրդը մեզ շատ է սիրում և փորձում է այս դժվարին օրերին մեզ աջակցել:

Արևմուտքից մենք սահմանակից ենք Թուրքիային, որի մայրաքաղաքը Անկարան է: Նրանք թեև մեր հարևաններն են, բայց մեզ չեն սիրում և թշնամաբար են տրամադրված մեր հանդեպ:

Արևելքից մեզ սահմանակից է Ադրբեջանը, որի մայրաքաղաքը Բաքուն է: Այս օրերին մենք պատերազմում ենք Ադրբեջանի հետ: Մեր զինվորները հերոսաբար պայքարում են հանուն մեր հայրենիքի և իրենց արյան գնով պահում են մեր հողերը. Հայրիկս նույնես Արցախում է և պաշտպանում է մեր հայրենիքը:

Ես համադասարանցիներիս հետ ճամփորդություն կատարեցի դեպի Ամբերդ ամրոց և Քարե լիճ։ Այնտեղ շատ հետաքրքիր էր։ Այժմ մի փոքր կպատմեմ Ձեզ Ամբերդ ամրոցի և Քարի լճի մասին։

Ամբերդը միջնադարյան բերդաքաղաք և ամրոց է, կառուցվել է 11-13-րդ դարերում՝ Արագած լեռան հարավային լանջին՝ Բյուրական գյուղի մոտակայքում: Նրա կողքով հոսում են Արքաշեն և Ամբերդ գետերը: Այն գտնվում է Արագածոտնի մարզում։

1.мечта-երազանք

2.Я мечтаю отправиться в один бассейн, где я была один раз.

Ողջույն: Ես Եգանյան Գոհարն եմ: Այսօր ես կպատմեմ իմ ազգանվան ծագման պատմությունը:

Իմ նախապապը եղել է Եգանը, որից էլ առաջացել է իմ ազագնունը: Նա ծնվել և մահցել է Պարսկաստանում: Նրա որդին՝ Ջհանը, ծնվել է Պարսկաստանում, ապա տեղափոխվել է Լեռային Ղարաբաղ՝ Հադրութի շրջան, Խծաբերդ գյուղ: Ջհանի որդին՝ Հովսեփն է, իսկ Հովսեփի որդին՝ Մելիքսեթը, որը հանդիսանում է իմ պապու պապը: Մելիքսեթի որդին՝ Ալեքսանդրը, որը իմ պապիկի հայրն է, երիտասարդության տարիների Լեռնային Ղարաբաղից գալիս է Երևան համալսարան ընդունվելու համար: Բարեհաջող ավարտելով Երևանի պետական համալսարանը որպես մաթեմատիկայի ուսուցիչ տեղափոխվում է Թալին: Այնտեղ ծնվում է պապս՝ Սամվելը: Այնուհետև տեղափոխվում են Երևան, քանի որ Ալեքսանդրը դասախոսում էր Երևանի պետական համալսարանում: Նա գիտությունների թեքնածու էր, ունի բազում գիտական հոդվածներ հրատարակած և թվաբանության երկրորդ դասարանի դասագրքի հեղինակ: Սամվելը՝ պապս, ունի երկու որդի, Ալեքսանդրը՝ հորեղբայրս և Վարդանը՝ հայրս: Ահա և իմ ազգավան պատմությունը և իմ տոհմածառը հակիրճ: